شيلن صوت

شيلن صوت انشيل معاكن . حد عزاكن .. يالنظار عليه إبكاكن

شيلن صوت انشيل إعياطي. نين إنياطي. يبقا مقطوع ومتخاطي

لرض إنزلزلها بخباطي .. كي نلقاكن .. منهلات علي مطراكن

ونشفشف ريقي بشياطي . يوم عزاكن .. نبكي بكية غل إحذاكن

شيــــــــــــــــــــــــــــــــــــــــــــــــ ــــــــــــــــــــلن صوت

شيلن صوت علي غالينا ..منا فينا .. قرعتنا بين غوالينا

عنكن غاب وغاب علينا ..طال رجاكن ..غالي لا فارق لا جاكن

ناره في المكنون دفينا .. ما ننهاكن .. قيسا رايد قل هناكن

شيــــــــــــــــــــــــــــــــــــــــــــــــ ـــــــــــــــــــــــــلن صوت

شيلن صوت علي امعاهم .. نا وإياهم .. ميت ماني حي بلاهم

عنا ياس بعيد زواهم .. من يالاكن .. حايل بين وبين إمناكن

في دار البرزخ واراهم .. غاب دواكن .. تميت إنعاني في داكن

شيــــــــــــــــــــــــــــــــــــــــــــــــ ــــــــــــــــــــــلن صوت

شيلن صوت عليه وشلن .. نين إتملن .. موت اتموتن ياتنعلن

فيه افواهق لو ينحلن .. يامشقاكن .. جاكن يالنظار عماكن

كل إموازيني يختّلن .. في ممشاكن .. وانتن ملتفتات وراكن

شيــــــــــــــــــــــــــــــــــــــــــــــــ ـــــــــــــــــــــلن صوت

صوتك شيلي يارقراقه . يوم افراقه .. طاح البيت وطاح ارواقه

جينا شور الدار زماقه .. كديناكن .. وين برمنا في مرباكن

ماضي من ماضي نقناقه . ما إيخاطكن . بكل نين ايجيب فناكن

شيــــــــــــــــــــــــــــــــــــــــــــــــ ــــــــــــــــــلن صوت
شالت صوت بكت كي سالت.شلنا شال.صوت صريخ ابقو إنهالت

عله في الخاطر مازالت .. ما ينجاكن .. منسودات عليه إنياكن

ماماللي بكيتا والت .. ولهانات .. انظاري ديما زعلانات

القينا فيهن ذكرايات .. ومنسيات .. اوهامك ياسمح التوقات

اتمنى ان تنال اعجابكم