((يا مو شايل احمول منعدل واحد .. وواحد مايلشديد شد حيل العقل))رأس البيت شارك به العديد من الشعراء وكانت محاورتهم رائعة فأحببت أن تشاركوني قراءتهايا مو شايل احمول منعدل واحد .. وواحد مايلشديد شد حيل العقلرد الشاعر : ادريس سعيدالشيخي*************
احمول عديده .. امعاهن ايموج وفالحياه تصعيده
ايرمز مع اللي صايبه واتكيده ..ايرد ينعكس نبقى عليه انحايل
انقوله اهموم الوقت موش جديده ..والدنيا فنا واللي عليها زايل
ايقول ربنا ضامن ارزاق عبيده ..عليه متكل رانى وسيع بلايل
احمول ثقيله.. فيهن اللى مايح وواخذ ميله
والله هو اللي قادر على تعديله .. كلامى امصوقر موش قولت قايل
من ضلع آدم دار له الحليلة .. ونجا نوح من زاعب سماه السايل
وخالق الكون وجاد فى تفصيله .. ودار لعبيده فالكتاب دلايل
عظيم هو اللى خالق النهار وليله .. وداير احدود الكل طاغي صايل
رد الشاعر محمدحامد الشيخي***********
احمول اتشيّب .. اثقال غير ما منهن شكا لاريّب
ومامن صلايب عالحمول امطيب .. ثقيل حملهن فوق الكتوف عدايل
وفيهن اللي له وقت موش اقريب .. يزاقا مع زق العرا ايتمايل
وانكان قالك صايد هناه و طيب .. عليك يا كبير العقل ، غيرايحايل
********
ما شكا من داهن ..احمول له زمان ايموج هو وياهن
متصعد ابهن ما سال في مرقاهن .. ولا فى طريقه جن ادروبسهايل
احمول وين مامالن ايميل امعاهن .. علايل ايسوقن فى رحيل علايل
واجروحه ضميدالوقت ما داواهن .. متقرض ابراس اجلمه دمه سايل
وارياحه اتلاطشفى سحاب سماهن .. عليه من هناك ومن هناك ولايل
واهموم وين هفنّه ايحوس امعاهن .. حوست بناتيل القصيل الحايل
والله هو اللي قادر ايفك عناهن .. عظيم الرجاء فكاك كل وحايل
رد الشاعر صالح بوعيادالشهيبي*************
شديد عزم من يوماً أوعي شايلهن .. مالن ولا طاحن ولا وصلهن
ترهدن ومايالاه من يعدلهن .. وحازه ابساط معطش وجور قوايل
وزادوا سشصلايب فوقهن واحملهن .. شقي عظم صادنه نصيب هوايل
وأيام عمر لا باتن ولا قيلهن .. والراكب ايقول أللغب عليش اتخايل
ومسع اعيونه للبطال حولهن .. وعارفين حبل الحمل عظمه طايل
وايزيد زايدة مسع اخطاه ختلهن .. ولا عزم كى عزمه امفيت قلايل
رد الشاعرمحمد على مومن********
احمول عتاله .. احمول شيلهن واعر علىالشياله
وهو شالهن بالغصب فرقة حاله .. عطيب الجهد عالوقت غيرايحايل
وهو الوقت زايد عالبسال بساله .. فيه ذايقين الملح ناس قلايل
اللي يشكروا ولغيرهم طباله .. ابقولهم اجواد وهم عقاب وذايل
مداحة اللي عنده طمع فى ماله .. اللي بالحرام امعبيين وكايل
خليك انت فى جاله وهم فى جاله .. بعيد خير من دنوه ردى الفعايل
ياما دانا .. احمول ع الغوارب والصلايب قانا
شديد شد حيل العقل فى اصبرانا .. شديد عزم ناسف ع الكتوف ثقايل
اوحيل الحمول ابثقل ميلزمانه .. وفواهق اكبار امخلفات علايل
ايجازي بهن ماقال منهن يانا .. امفيت دمع ف الثلث العقابى سايل
رد الشاعر فوزى المنصورى
**********
احمول ويامه .. طوح وراه وحيلهن قدامه
منهن ايموج اتقول فى دوامه .. انغابمنعدل , مايح جديد ايخايل
تقانن عليه وناويات اختامه .. لكن ابحيل العزم فيه نصايل
صابر وصبره ما ايجيب ندامه .. شفا ايوب صبره من كثيرعلايل
ويوسف ارمى فى بير شين ظلامه .. وبالكذب جابوهن عليه دلايل
عليك عقل دوخنى بقو عزامه .. سوا المنعدل شايل سواالمتمايل
**************
ايموج ابنقله .. متصعد اوحادر ماشكا من ثقله
سوا المايله شايل سوا المنعدله .. تضايق اوقات وللافراج اتخايل
اوصاحب السعد يلقى اللى ايحطبله .. ونا سعد عقلى اعزوم تلايل
ولا يجى الحنظل فى مكان الدقله .. ولا البوم موكار النداوى طايل
رد الشاعر حبيب الصنقرى**********
شيلته مسهلها .. اللي منعدل والمايله يعدلها
اللي اتعل يا شيخي دار غبيوا هلها .. اللي يفزعوا يوم اللطاش ولايل
بنّايت المبوج فى هذيك الجلها ..ركابة اللى ما ايحمل لمس الجايل
علي نجعهم وقتاً ايبان هلها .. جضيض حشوها جضت نحل يشايل
عقاب ليل تصريدة انياب جملها .. اتحيد غمامه من اكبود ملايل
و كبيرهم ايدبر ادبارته مجملها .. عليهم انكان اعلموا واد ىسايل
ايشدوا الرحيل ورايده فأولها .. نين ينزلوا فاللي عفاه جدايل
رد الشاعر صالح الشلمانى************
ياموصالب .. صلايب أخرا عالحمل والله غالب
وأحموله عليركنه وضيق مهالب .. و راقي صعوده في صهيد قوايل
"موجب " زمانه جا اصدافه "سالب " .. إيعرعز اودوبا عالطريق إيحايل
زمان دايله قسوا وقـو مخالب .. عزاه غير قولة كل طاغي زايـــــل
ألا انت يا الشاكي نص "ِقدرك" حالب .. ياعوينك اللي عندك احمول عدايل
حمول صلبت .. فوقمالحمول المايلة وهلبت
ولا فيه عقل يعيب لا أنكلبت .. ولا زمزكه لا فيه شين خصايل
وخلفة الدارابحمد ربي جبت .. وأكراها عليهم هذا قول القايل
ألانا عليش كواي تبت وشبت .. وثقلن اخطاي ومشيتيأتمايل
و "الاحد" تلقا يا امسلف "سبت" .. ومديول في يوما للقا يا دايل
رد الشاعر أكرم الكاسح الدرسي*******
احمول اتكدي .. احمول شيلهن خلف شقا واتردي
ماشي ابهن طاوي جبا ومعدي .. ابهن مانريد انطيحلاانتمايل
ولانريد عِينة وين نوصل حدي .. امفيت مالكريم اللي عليهتكايل
جمل من جمل والصبر طوعة يدي .. حتى والحياة ماتمد غيرجطايل
وحتي ونا ليام ديما ضدي .. وفي خاطري فشن اكبار غلايل
شايل احمولي خطوتي ماتهدي .. فالوطن متغرب بهميجايل
وننهى افعيني حدلاتجّدي .. صيورها تفراج كل وحايل
ايام الصغا سا تنقلب وتعدي .. يبدل الله بالخير عامكلايل
احمول اكبار ..احمول كيدهن شايل مسا ونهار
احمول لاحقه للقبر لونقبار .. ماهن علي ابنادم احمولسهايل
ياالله ياعالم بكل اسرار .. وعالم خفا صدري وماهو شايل
من ياس داير دور مايندار .. ومايوم رينا ياس زينفعايل
ايريد عزقتي بالقو فوق النار .. غير في اعزومي مالقيشفلايل
ولوكان ماني عالشقا صبار .. ولوكان ماني من اثقالعدايل
ولوكاني لظلم الحياة دنقار .. راني امطوح في سفيلسفايل
رد الشاعرأكرم الشلمانى********
ويامثقلـــــهن .. احمول واجدة كيف الجبلشايلهن
مجبورعقلنا ينتل وهو قابلهن .. امقدر ايعيش العمر حمله شايل
فوق من اكتوفه غصب هو حاملهن .. مـوش رد دين ولا ردود جمايل
واللي توجعك تعزق وما تنشلهــــن .. احبال التعب يرقن ابدل وكفايل
احمول واعرة يا صاحبي مثقلهن .. احمول ثقلهن جا فوق ما اتخايل
ولو تسالني انردك ابقول اجهلهن .. أصليت الحكاية ثاقلة عالقــــايل
وموش نوع واحد ع الدبر ناتلهن .. من كل صنف مشـــــكل اتنتايل
ومن يوم يومه عقلنا طاعلهن .. مفطوم ع الحمول وشي ماهو نايل
رد شاعر ناصر بوعجيله الشيخي************
صلايب صلّب .. فوق من احمول زمان فيهايقلب
ساير ابهن مازال مو متغلّب .. من خوف ينقدوهوخوف قول القايل
ما من ادروب امعوكرات امهلب .. مشاهن وحبل الحمل عظم هطايل
وامفيت خالقه مالحد شكا لا طلب .. اللي كل شى فيده وبامر هزايل
احمول ثقيلة .. ومع حملهن يا خوى فيهن ميله
شايل امعاهن عالكتوف عديله .. وطريقه ارمال اسيوفها اتمايل
بطلان غير موقادر ايقول القيله .. سواق حرش سواقه وسوطه عايل
رد الشاعر : عبد المولى زيدان*************
احمول اثقـــال .. صعيب حملهن واعرعلى الحمّال
مامن اللى حمله خفيف ومال .. فى شيلته صارنا ظروفه حايل
ومامن اللى حمله رزين وزال .. بصبره وحكمه جايب اتبـدايل
والحمل الثقيل نشيل يا عقّال .. بروحى مجرب موش قول تقايل
أوّلّهن الأمانة رافضتها جبال .. رزين حملها طول الزمان تهايل
وثانى احمول يمونةِ الرّحّال .. ليوم اللقا متقـــــــــابلين نزايل
وثالت حمولي وينما ننسال .. على فعل درته فالزمان الزّايــل
والرابعة خايف مْـــن الشمال .. تاخد كتابي ولا الجنة طــايــل
شايــل يامــا.. حملي مثيل الكون وزن أحجامه
معَبّى يتمايل فايضات اجمامه ..واحل ف شيله مالقيت وسايـل
العقل منّه يحوس فى دوّامه .. احمول القـــيامه داير اتعلايـل
والحمل فيها بحسبته وجرامه .. ويا ويل حملى كان فيه رذايل
رقيب وعتيد وكل حد باقلامه .. يكتبــوا مــا درت منّه نايـــــــــل
وهذا الحمل اللى صعيب اقيامه.. القرءان جـابـلنا عليه دلايل
وما هو صعيب عاللّى كبير مقامه .. يفرج جميع كروب هاللى سايل
مانيش نا شاعر قوى كلامه .. نسرد الحمل اللي عليه انحايل
صلاتي وسلامي عالنّبي اختامه .. المولى الكريم مشرفه بفضايل
رد الشاعر الصابرآدم موسى الورفلي*************
احموله كوم
منوطر ومارقن عليهاعزوم
قويم مسكه حتى انكان ايعوم
شديد الفحل حمله عليه تمايل
أوقات ينعدل يحلى امعاه النوم
وأوقات يمتلص ما عد ايجيبه جايل
سماحة العلل يجمل وهو منظوم
قليل دوته مامن معاني شايل
يقتلويدفن في جضر واهموم
ايهوّن ابهن مشوار ياسه طايل
كن غيره العقل ايشيل مو مضيوم
احمول واجدة ما شي عنهن حايل
رد الشاعر بوبكر الحوتى**********
ياشلماني .. أحمول واجده فوق الحمول امقاني
بلا اوقا رادبهن علي زماني..... وحادر مع ميراد غابي حايل
أنعكر ونسهل بكيد أنعاني ..... قاطع ألواي الحمل حيله مايل
وأحمولك اللي في ركن مال ركاني ..... وأتقول ياريتهن أحمول عدايل
وحق من خلقي ادم حسدتك راني ..... حتى وانت تمشي في صهيد قوايل
جميل قابله حتى ومو براني.....ضي النهار عليك زاد فضايل
ونا الليل بسدوله رخاغطاني.....ومصادرات بالشرقي أمطار هذايل
فوق رقبتي قدم هلب مسلاني..... حملي اللي واثق أبقولي شايل
ايذاوح ألا فالروح موش أمواني..... ونا عشت ما نعرف دهاء وخصايل
وما ينطق ألا بالذكر دوم ألساني..... وفالحق ما نخشى علل من قايل
رد الشاعر عبد الله الشلمانى**********
شد حيل العقل
احمول مايلة شايل علثر الثقل
وبعد المسافة من مكان النقل .. وراقيبهن شلضم اجب التخايل
لا تشيلهن في طايرة هيرقل .. لا في كراهب لا رحيل زوايـــــــل
احمولك اتشيلهن في كنينك زقل .. وسايل تساعد ما هناك وسايـل
واسماهن هموم ويدقلنك دقـــل .. واجدين خلنهم هشيم دقايـــــــل
دواهن الصبر وقطعهن بالهقـــــل .. مع دفنهن تحت الرديم الهايــــل
واللي ما يواريهن تراب الحقـــــل .. اتركن علي ايسارالطريق عدايـل
وبينك وبينهن دير ساس امعقـل .. مبني بطوب نسيان الزمان الطايل
وجامل إن صادفت الوجوه الشقــل .. وحايل بما تقدر عليهن حايـــــــل
رد الشاعر عيسى العرابي
************
موش امبالى .. فى وقت سابق والزمان التالى
فاهق غراره ماحكاه الوالى .. دفين حجر فى هوبج اتراب مهايل
خذنه مســاهب فى مدار الخالى .. قيس فى فراغه للفراغ بدايل
استلهم افكاره من اوهام نزالى .. وين ماتراخن مالظلام سدايل
انتبع مساره وين ضاق مجالى .. فاو الخلا قابل على جمايل
هاضا حاله .. اللى ما عرف مشكاه مايرثاله
منهن قريت رموز فى رسالة .. بداهن ادريس وجن ابيوت جزايل
هزن كيان العقل شد ارحاله .. امشرق على سوق الرحيل ولايل
الشاكي شكاوي ريد رد عجاله .. واحنا عدايل تحت كيد عدايل
الدنيا قديمة للفلك بداله .. يومبرد فيه ويوم قيظ شعايل
سبحان من بناها في فسيح مجاله .. وخالق مراطب من جذور فسايل
نخيل استوى واخذ حدود كماله .. ثوابت أثماره فالهواء بمشايل
وعرف فروق الخيل للخيالة .. أجودهن اكحيل ومن اكحيل سلايل
وخالق الكون ابنسوتا وارجاله .. وروح وحي نازل مالسماء برسايل
وكبل اطيور حرار فى كباله .. عقاب وقتن ماتن امات هزايل
من جاله طليعة بيت صايف ماله .. منام خطف والا جاء وليد غلايل
اللي بالفتا مشهور مانفتاله .. غير قلت نوفي فالحساب مكايل
مع من سبقني ياك ناخذ داله .. التاسع العاشر في عدد الاوايل
رد الشاعر عبد القادر بوالحاج الجراري************
شايل همه.. مامن اللي شايل عليه امغمه
شايل سوايا من قريب الدمه .. منهن ايكابر اليوم غير ايحايل
وغيبة أجواد كانت ألا تسمه .. شيالت الطايح والسنين عكايل..
شايل غيضه.. واطي علي نفسه ما يريد قريضة
ذرا للزمان يجرن علي تنفيضه .. ارياح يبرمن ما هن خمود قوايل
يا العقل هونها العين مريضة .. انهاست ولا تاخذ ابقول القايل
اللي رادبه مولاي طيع وريضه .. فيده ايبدل كل حال نزايل
شيل اصبر.. ديمه الكبير رايه سقيم ايدبر
تمقل الدنيا بشواش لا اتكبر.. إن ضاقت لها لازم ادير بلايل
لا تغربك ديمه الصيت ايخبر .. اتنوض بالهبد واتفوت مامن خايل
رد الشاعر عبد الرؤوف الرفادى***********
ياما كامي .. شديد شد حيله نين رق عزامي
ايدثمر امخليني اتقول امحامي .. علي كل هم اندير فيه عزايل
وكي انقوله كنك ايقول أيامي .. متعاكسات من مطرا قديم وطايل
