هابا عليك سريب

هابا عليك سريب .. رحلت وجفيت الوطن والصاحيب

وما انسيتـــــــــــــــــــــــــــــا

جفيت أصحابي .. وما كنت حاسب في إحساب إحسابي

عندك ولا في يوم ينقص قابي .. وتغلا علي لخرين ياالحبيب

عدن هباء منثور فيك أتعابي .. منحاش ما جمع بيناتنا النصيب

وانكان من هضاك الوطن جاك جوابي .. في وطن عايش فيه كي الغريب

اشقا إبغلاء ثاني وما تشقابي .. وخلي الشقاء والكيد والتعذيب

ليا ونا ملذوع من منشابي .. كنيني حرق ناري إتزيد لهيب

بغيابك علي ونا علي غيّابي .. وان جيتم ابحسن الظن لثم إنجيب

وهابــــــــــــــــــــــــــا عليك سريب

هابا ديمه .. رحلت وجفيت الوطن ومواهيمه

والعين في إبكاها خايبه وغشيمه .. ودارت علي فرقاك يوم عطيب

راحت شظايا كلها وهشيمه .. من كثر البكاء والدمع والتنهيب

من قبل ما يطلع الصبح جهيمه .. وهي ليلها كامل عليك نديب

انخاف من إبكاء عيني إتبات عديمه .. ويغيب الدواء عاالجرح والتطبيب

اخسرتك اخساره يا عزيز وخيمه .. واللي انقول صابت فيك فيك إتخيب

وهابـــــــــــــــــــــــا عليك سريب

هابا هابا .. لو كان دمعتي للغايبه جيّابا

انجيب باالبكاء غايب سفوه اترابا .. فوقا وما غالي علي إيغيب

لكن الله غالب نزل في اكتابا .. الموت حق سبحانه زمان عجيب

صيور كل حي يحصد اعماله صابا .. اما سود والا بيض كي الحليب

تلقاه يومها ربك عسير إحسابا .. يوماً إيخلي في الجنين إيشيب

وانعنا من اللي للرسول أصحابا .. وياويل من عبد تمثال فيه صليب

وهابا عليك سريب .. رحلت وجفيت الوطن والصاحيب

ـــــ وما انسيتا ــــــــ

عطب النهارات والليالي

ملكيتي .. محسن امراجع البيضاء

تحياتي للجميع استودعكم جميعاً